Baixe o app para aproveitar ainda mais
Prévia do material em texto
Educación Plástica e Visual 1ºESO08-09 TEMA 2. Elementos da Linguaxe Visual 1 ACTIVIDADE INICIAL. Aprender a mirar: ¿Que diferencias atopas entre estas imaxes? ¿Como cres que está feita cada unha? ¿Que mensaxes cres que transmiten as imaxes? ¿Cal será a función de cada unha? TEMA 2. ELEMENTOS DA LINGUAXE VISUAL Educación Plástica e Visual 1ºESO08-09 TEMA 2. Elementos da Linguaxe Visual 2 Aprender a ler e construír imaxes permítenos comunicarnos nunha linguaxe universal, xa que este pode ser entendido por distintos pobos e culturas. Dominar a linguaxe das imaxes supón coñecer todas as súas posibilidades comunicativas e expresivas. Calquera representación da realidade pódese descompor nun esquema que nos deixa extraer e coñecer os elementos que a forman. É o que sucede cando desarmamos un aparello: podemos observar todas as súas pezas e, posiblemente, despois necesitarmos unhas instrucións ou esquema que nos axuden a recompolo para que as súas pezas volvan encaixar perfectamente. Nesta Unidade imos observar os elementos que conforman as imaxes, recoñecendo nelas a súa forma e a presenza de puntos, liñas, planos e texturas. Aprenderemos a recompor imaxes, a transformalas e, a partir delas, a construír outras novas co fin de transmitir ideas e sentimientos. O punto é o elemento gráfico máis pequeno que se pode debuxar. Os puntos forman liñas, as liñas planos e os planos forman volumes. O punto non tren dimensión pero pode cambiar de tamaño e cor, material ou forma. Existen dúas clases de puntos: o punto xeométrico e o punto gráficoplástico, coñecido tamén como signo gráfico. O punto xeométrico utilízase en debuxo técnico e xorde cando dúas rectas se cortan. Este tipo de punto non ten dimensións, é dicir, carece de altura, de anchura e de profundidade. O punto gráfico-plástico ou signo gráfico é o máis simple dos elementos que se utilizan para debuxar formas. É o elemento de expresión gráfica de menor tamaño, e aínda que estemos habituados a entender que o punto é redondo, en realidade pode representarse de diferentes formas según a súa función. Por exemplo os puntos de texto, soen ser cuadrados e moi pequenos para non distraer a atención, a súa función é simplemente gramatical, e serve para indicar pausas na lectura. Pensa nos puntos que se utilizan de indicacións nos mapas.... Sen embargo o punto gráfico empregado plásticamente pode ter o contorno e as superficies irregulares. É posible facer puntos ou signos gráficos coa pegada que deixa no papel un lapis, un rotulador, un pincel con pintura, etc. Os puntos poden presentar diferentes cores, dimensións e formas, sempre que sexan pequenas: círculos, estrelas, triángulos, etcétera 1. O PUNTO O Bico, 1907-08. Gustave Klimt Representacións convencionais de puntos Xeométricamente definimos o punto cómo o lugar xeométrico onde se cruzan dúas rectas. Educación Plástica e Visual 1ºESO08-09 TEMA 2. Elementos da Linguaxe Visual 3 O PUNTO NO ESPAZO Un punto debuxado sobre un plano de papel dirixe a nosa atención cara a el e xera diferentes tensións: centrais, diagonais, verticais, horizontais, etc. Estas tensións producen sensacións variadas: orde e equilibrio, inestabilidade, dinamismo... As distintas posicións dun só punto sobre o soporte estruturan de xeito sinxelo o espazo do plano. Varios puntos nun mesmo plano definen diferentes formas. Se destribuimos puntos nun soporte de xeito aleatorio, a composición resulta dinámica; o efecto de movemento e profundidade pode reforzarse variando o seu tamaño e a súa cor. O PUNTO DE ATENCIÓN Cando observamos unha imaxe podemos ver formas, personaxes, obxectos naturais ou artificiais... Cada imaxe está composta por diferentes elementos: puntos, liñas, planos e texturas. De todo o que vemos soe haber unha zona que nos chama a atención. A este espazo, que resulta máis importante que o resto, chámaselle punto de atención e delimita a zona de maior interese. De todo o que vemos soe haber unha zona que nos chama a atención; por exemplo, no cadro de James Ensor, Autorretrato con máscaras, é a cara do artista. Orden e equilibrio Movemento cara a dereita Inestabilidade Dous puntos fan que imaxinemos unha liña recta Con tres puntos imaxinamos un triángulo O punto creador de sensación espacial Educación Plástica e Visual 1ºESO08-09 TEMA 2. Elementos da Linguaxe Visual 4 James Ensor, Autorretrato con máscaras, 1899 O PUNTO CONSTRÚE IMAXES Todas as imaxes pódense descompor en puntos. Por iso, debuxar unha forma consiste en imaxinar os puntos que poden perfilala sobre o soporte. Se utilizamos o punto como elemento abstracto, podemos crear formas fantásticas e descoñecidas, que carecen de relación coas imaxes que vemos na realidade. Se pola contra empregamos o punto como elemento figurativo, podemos construír obxectos, paisaxes, personaxes, etc., de formas coñecidas que si están relacionadas coas imaxes da realidade. O PUNTO SOMBREA Co punto podemos representar a forma dos obxectos, darlles volume e sensación de profundidade. A acumulación e dispersión dos puntos permítenos sinalar o contorno dos obxectos e crear a sensación de volume. A utilización de diferentes tamaños de puntos pode dar a sensación de distintos planos no espazo: os puntos máis pequenos afástanse e os máis grandes parecen estar máis cerca. A distancia e a proximidade dos puntos permítenos afastar e achegar formas e crear así unha sensación de profundidade. O PUNTO COLOREA Co punto tamén é posible dar diferentes cores aos obxectos e ás figuras que construímos. Se situamos os puntos á mesma distancia uns doutros, estaremos coloreando uniformemente unha zona da imaxe. Se os xuntamos moito, as cores veranse máis escuros. Se os poñemos separados, as cores veranse máis claras. Educación Plástica e Visual 1ºESO08-09 TEMA 2. Elementos da Linguaxe Visual 5 Georges Seraut. Modelo de frente. 1887. Óleo sobre taboa. 25 x 16 cm. Museo de Orsay. París. Francia Paul Signac. Palazo dos Papas en Aviñón, 1900. Óleo sobre lenzo, 73,5 x 92,5 cm. Museo de Orsay. París. Francia. EN PROFUNDIDADE. O puntillismo Afínais do século XIX xurdiu un movemento pictórico baseado no estudo da luz que se denominou impresionismo, Os artistas pintaban sempre do natural e o seu obxectivo era captar o momento fugaz, a impresión instantánea. Era un tipo de realismo que derivou logo cara a outras técnicas, como o puntillismo. O puntillismo recibiu o seu nome da técnica que utilizaba, baseada en pequenas pinceladas en forma de puntos. Os seus representantes, entre os que destacan Georges Seurat (1859-1891) e Paul Signac (1863-1935), pretendían normalizar as dimensións da pincelada converténdoa nunha unidade. O pequeno tamaño dos puntos favorece a mestura óptica, de tal xeito que, se nun espazo combinamos puntos vermellos e puntos amarelos nunha mesma proporción, ao observalos, obteremos na nosa retina a cor laranxa. Partindo dos puntos, e a través da aproximación ou afastamento destes créase a masa de cor e o volume necesarios para configurar a obra de arte, No primeiro plano, os puntos están moi preto uns doutros; con todo, nos planos máis afastados os puntos están máis dispersos.Educación Plástica e Visual 1ºESO08-09 TEMA 2. Elementos da Linguaxe Visual 6 A liña é un elemento gráfico que, do mesmo xeito que o punto, utilízase para construír formas e imaxes. Cando un punto ponse en movemento, deixa un trazo e convértese nunha liña. Segundo sexa a traxectoria do punto, as liñas poden ser rectas, curvas, crebadas, onduladas, mixtas, abertas, pechadas, etcétera. Existen tamén dúas clases de liñas a estudar: a liña xeométrica e a liña gráficoplástica. A liña xeométrica represéntase de xeito uniforme e defínese como a intersección de dous planos. Para debuxar unha liña xeométrica é necesario utilizar ferramentas de debuxo técnico (escuadra, cartabón, plantiña de curvas, etc.). A liña grafico-plástica, en cambio, é un instrumento de gran versatilidade e escapa ás normas: adopta gran variedade de formas, cores e texturas e o seu trazo pode ser de infinitos xeitos. É máis libre e pódese realizar con ou sen instrumentos de apoio. A liña pode ter diferente forma e dimensións en función de como sexa o seu trazo: longa, curta, continua, descontinua, grosa, fina, etc. pero sempre será considerablemente máis longa que ancha. Así podemos distinguir na liña plástica diferentes configuracións atendendo ao seu grosor, intensidade, cor e uniformidade. A intensidade: Depende da maior ou menor presión que apliquemos sobre a superficie coa ferramenta de debuxo. O Grosor: A intensidade do trazo resultante adoita ir acompañada dun grosor proporcional: a máis presión do xesto gráfico sobre o soporte, máis intensa será a liña e máis grosa. 2. A LIÑA NA IMAXE Liña recta, todos os seus puntos van nunca mesma dirección Liñas con diferentes grosores, intensidades e cores: Intensidade Grosor Continuidade r A B A intersección dos planos A e B no espacip define a liña xeométrica r Educación Plástica e Visual 1ºESO08-09 TEMA 2. Elementos da Linguaxe Visual 7 A LIÑA NO ESPAZO Unha liña recta pode dividir o espazo en dúas partes; con máis liñas o espazo quedará dividido en varias zonas. Por esta razón, a liña é o principal elemento estructurador do espazo; con ela podemos organizar o soporte dividíndoo en diferentes campos visuais e centrar a atención nunha parte do espazo. Observa os exemplos seguintes Unha liña con diferentes grosores divide o soporte pola metade e centra a nosa atención nela. Varias liñas poden dividir o soporte ou lámina de debuxo en distintas zonas. Moitas liñas poden formar unha composición sempre que estean organizadas no espazo. AS LIÑAS DE ATENCIÓN Entre as liñas que se empregan para distribuír o espazo nunha imaxe existen liñas de atención que se esconden entre os contomos das formas, nos eixos das figuras ou que se suxiren nas direccións que o ollo recorre. Estas liñas axúdannos a descubrir as diferentes zonas de interese nas que se dividiu o espazo e comprender mellor a mensaxe que nos transmite unha imaxe Campo visual: espazo no que ven ou constrúen todos os obxectos dunha imaxe A LIÑA CREA FORMAS A función máis importante da liña consiste en representar e configurar formas, é dicir, debuxar e dar forma visual ás figuras que aparecen nas imaxes. As formas poden estar escritas, se se trata de letras, palabras ou textos; debuxadas, se se representan obxectos, formas ou figuras; sombreadas se teñen volume, e pintadas, se teñen cores. A liña para escribir Escribir consiste en desprazar un lapicero, bolígrafo, etc. sobre un papel dando forma de letra aos nosos trazos. no grafismo o trazo cambia segundo a persoa que escriba. A liña para debuxar Configurar unha forma consiste en debuxar e construír o seu aspecto visual Debúxase Educación Plástica e Visual 1ºESO08-09 TEMA 2. Elementos da Linguaxe Visual 8 utilizando liñas que definen o exterior da forma, é dicir, o seu contorno. E constrúese cando se identifican e representan as características do seu interior, é dicir, do seu dintorno. A liña para sombrear Ao sombrear unha figura mediante liñas conseguimos darlle unha sensación de volume e producir a ilusión de profundidade no espazo. Pódese sombrear mediante liñas paralelas moi xuntas, para crear zonas escuras, ou debuxalas máis separadas, dando lugar a zonas claras. Tamén podemos variar o grosor das liñas, facéndoas máis finas na zona de luz ou onde queiramos producir o efecto de distancia nos obxectos. Ademais, a combinación de diferentes tipos de liñas superpuestas consegue que as imaxes teñan máis dinamismo e expresividade A liña para colorear Pintar ou colorear consiste en cubrir dun mesmo cor unha zona ou superficie. Coas liñas podemos diferenciar as distintas partes dunha forma, facer que unha zona sexa máis clara ou máis escura que outra, ou conseguir que teña diferentes cores. Para cubrir con liñas unha superficie utilizamos liñas ordenadas, paralelas, superpuestas, cruzadas ou desordenadas en calquera dirección. A LIÑA COMO ELEMENTO EXPRESIVO. Tipos de liñas e a súa expresividade no plano: movemento, dirección, posición. A liña como calquera outro signo pode trazarse con diversos instrumentos e sobre diversos materiais. Se o trazo realízase nunha soa dirección temos unha liña recta, que pode ser horizontal, vertical, oblicua ou crebada. Se a dirección varía continuamente temos unha liña curva que pode ser circular, ondulada, libre, crebada ou zigzagueante. Así, a liña é a representación dunha sensación en movemento. Cando observamos liñas nunha obra, percorrémolas coa mirada, seguindo o movemento da súa dirección e traxectoria. Esta contemplación transmítenos sensacións e ritmos que podemos traducir dunha forma ou outra dependendo dos diferentes estados de ánimo. Polo tanto a liña pode expresar ideas, emocións e sentimentos. Obedece a un reflexo espontáneo e está impregnada da personalidade da persoa que a traza, coma se fose unha firma. Xa os nosos antepasados utilizaron a liña con todo o seu valor expresivo cando pintaban nas paredes das covas aos animais da súa contorna. Ademais dependendo da dirección das liñas que utilicemos ou a forma de agrupalas tamén obtemos sensacións diferentes. O primeiro que se ve dunha liña é a súa dirección e percorrido. Se a observamos con atención descubrimos a súa tonalidade Educación Plástica e Visual 1ºESO08-09 TEMA 2. Elementos da Linguaxe Visual 9 (se é clara ou escura) e o seu grosor (ancha ou fina), ou se cambia modulando cada unha das súas características. A dirección de cada liña ten un valor expresivo diferente: Liñas rectas son continuas, planas, ríxidas e sen cambios. Transmiten constancia, rixidez. Son crebadas cando cambian con maior ou menor brusquedad de dirección. Estas son máis dinámicas, pero seguen ofrecendo rixidez, producen sensación de inestabilidade e poden resultar agresivas. Poden ter diferentes direccións: - A liña vertical dá sensación de forza, solidez, elegancia Unha composición na que predominen as liñas verticais dará sensación de forza, elegancia, ascensión, espiritualidade. As liñas verticais, ao contrario que as horizontais, alargan as figuras, xa que logo, fan que parezan máis estreitas e esveltas. - A liña horizontal produce no espectador un efecto de calma e tranquilidade, repouso e equilibrio, quietude e frialdade. Cando un obxecto está cheo de liñas horizontais, dá a sensación de que é máis ancho. Sobre a liña horizontal descansan en moitas ocasións os obxectos e elementos do plano (o horizonte, un bodegón...). - As liñas oblicuas expresan inestabilidade. Se son ademais concorrentes crean sensaciónde profundidade. Liñas curvas: varían de xeito constante a súa dirección e son ricas en tensións. En contraposición coa liña recta, a liña curva é símbolo de dinamismo e vitalidade, movemento, acción, tensión, falta de equilibrio e de estabilidade. Con todo, ten un encanto especial en relación a sinuosidade e delicadeza dos seus movementos. Poden ser curvas, circulares, concéntricas, onduladas, crebadas, en espiral, complicadas, etc. Todas elas implican movemento e dinamismo en distinta dirección e con velocidades diferentes. Liñas irregulares: teñen cambios continuos de dirección no seu percorrido e suxiren certa tensión. Poden ser de dous tipos: - Liñas irregulares rectas: presentan pequenos cambios que se perciben como unha constancia menos ríxida. - Liñas irregulares curvas: aumentan as tensións, o movemento e o ritmo ata chegar a producir desorde e ata caos. Educación Plástica e Visual 1ºESO08-09 TEMA 2. Elementos da Linguaxe Visual 10 Probablemente sexa na época contemporánea cando se fai unha exploración máis fonda das posibilidades artísticas da liña, ata o punto de dar lugar a movementos e tendencias baseados fundamentalmente nela, como o Modernismo, o Neoplasticismo, o Raionismo e a Arte Cinética. As composicións de Piet Mondrian son significativas do primeiro, caracterizado por unha partición marcada dos planos en áreas de cores primarias por medio de liñas negras claramente definidas, orixinando composicións moi xeométricas. Na chamada "Op-Art", a liña con-vértese en protagonista absoluta, creando sensacións de movemento "óptico" no espectador, a base de repeticións de formas lineáis en branco e negro combinando curvas que xeran efectos ópticos. A arte abstracta en xeral fai un uso exhaustivo da liña como forma de expresión. Decoración caligráfica na Alhambra de Granada (arte islámica). Pretroglifoos de Mogor. Dende a máis remota antigüidade o ser humano recorreu á liña para representar esquemáticamente o mundo que o rodeaba. Alberto Durero. Rinoceronte, 1915. Leonardo da Vinci Estudo para mans femeninas,1474. EN PROFUNDIDADE. A liña na arte. Xa desde a prehistoria hai constancia de pinturas rupestres con representacións abstractas de puntos e liñas. Os petrogli-fos que se atopan nalgunhas comarcas galegas representan esquemas lineares en torno a un punto central. A falta de técnicas e materiais máis elaborados, os nosos antepasados utilizaron a liña para simplificar as formas, logrando unha gran capacidade de sínte-se, non so para repro- ducir mediante liñas simples os animáis que coñecían, senón incluso o dinamismo das escenas de caza. A prohibición islámica de representar imaxes dos seres vivos fixo que se recorrerá con frecuencia á escritura como motivo decorativo (as letras non son máis que trazados lineáis). Son moi abundantes os exemplos de edificios musulmáns, dentro e fóra de España, nos que a caligrafía árabe esquematizada aporta decoración as paredes, en pintura ou baixorrelevo. Aínda hoxe, a linealidade aporta un valor estético ademáis de comunicativo as escrituras árabe e chinesa. O Renacemento supuxo unha revitalización do debuxo. Artistas como Leonardo da Vinci, Miguel Anxo ou Rafael fixeron numerosos estudios e esbozos para os seus cadros onde a liña é protagonista na definición das formas e expresión dos volumes. Os gravadores tamén utilizaron as posibilidades das liñas en forma de tramas cruzadas para recrear volumes sobre unha superficie plana. As obras de Alberto Durero son as máis significativas deste estilo. A capacidade expresiva do gravado foi moi empregada no comezo da Revolución Industrial para elaborar ilustracións destinadas aos tratados científicos e técnicos. A imprenta encargaríase de difundilos, facendo un uso intensivo desta técnica gráfica. Educación Plástica e Visual 1ºESO08-09 TEMA 2. Elementos da Linguaxe Visual 11 Mondrian. Composition With Red, Yellow And Blue. 1929. Óleo sobre lienzo. 45 x 45,5 cm. Solomon R. Guggenheim Museum. Nueva York. USA. Alfons Mucha. La Brunete.. Litografía monocroma coloreada. 46 x 33 cm. Colección privada. París. Francia. Gustav Klimt. A árbore da vida. 1905-1909. Pintura al temple. 195 x 102 cm. Österreichisches Museum für Angewandte Kunst. Vienna. Victor Vasarely. V.P. 113. 1970. Acrílico sobre lienzo. 240 x 120 cm. Colección André Vasarely. Probablemente sexa na época contemporánea cando se fai unha exploración máis fonda das posibilidades artísticas da liña, ata o punto de dar lugar a movementos e tendencias baseados fundamentalmente nela, como o Modernismo, o Neoplasticismo, o raionismo e a Arte Cinética. O Modernismo: Xorde a finais do século XIX e nas súas obras a liña alágao todo. En particular, a liña ondulada e sinuosa. En España destaca o arquitecto Antonio Gaudí con obras como o Parque Güell ou a Sacra Familia de Barcelona. En pintura destaca, entre outros, o austriaco Gustav Klimt. Como cartelista o checo, Alfons Mucha. O Neoplasticismo: En contrapartida ás curvas modernistas, é un movemento holandés fundado por Piet Mondrian (1872-1944) caracterizado por unha partición marcada dos planos en áreas de cores por medio de liñas negras claramente definidas, orixinando composicións moi xeométricas. Nas súas obras predominan as liñas perpendiculares sobre as liñas curvas e oblicuas. A través da liña os artistas neoplásticos organizan o espazo visual. Nestas composicións rectilíneas aparecen unicamente as cores primarias (vermello, azul e amarelo) ademais do branco e o negro, O neoplasticismo distinguiuse especialmente pola súa pureza plástica. As teorías de Mondrian teñen a súa orixe nas obras cubistas de Georges Braque e Picasso. O neoplasticismo desenvolveuse tanto en pintura como en arquitectura. Na chamada "Op-Art", a liña convértese en protagonista absoluta, creando sensacións de movemento "óptico" no espectador, a base de repeticións de formas lineáis en branco e negro combinando curvas que xeran efectos ópticos.Victor Vasarely é o actor máis representativo deste movemento pictórico. A arte abstracta en xeral fai un uso exhaustivo da liña como forma de expresión. Educación Plástica e Visual 1ºESO08-09 TEMA 2. Elementos da Linguaxe Visual 12 O PLANO NA IMAXE O plano é xunto co punto e a liña, un elemento expresivo da linguaxe visual e utilízase para debuxar formas. Desde o punto de vista xeométrico, unha sucesión de liñas yuxtapuestas, é dicir, liñas paralelas e trazadas unha xunto a outra, orixina un plano, unha superficie bidimensional (ancha e alta), in¬finita en todas as súas direccións. Pero para poder debuxar obxectos co plano, limitamos a súa forma cun contorno. Os planos pódense denominar tamén figuras e dependen da forma orixinada pola liña pechada. Existen moitos tipos de planos (Fig. 2.20), pero o seu tamaño sempre será o suficientemente grande como para que non sexa un punto. Segundo a súa forma, pódense distinguir dous tipos de planos: os xeométricos, de formas regulares (triángulos, cadrados, círculos, etc.), e os planos orgá¬nicos, de formas libres e irregulares. O PLANO COMO SOPORTE A superficie sobre a que debuxamos denomínase soporte (ou plano soporte). Pode ter múltiples medidas, desde o tamaño dun selo ata o dun gran n>. O plano como soporte taménpode ter diferentes formas: cadrada, rectangular, redonda, etc., e pódese colocar en distintas posicio¬nes: horizontal, vertical ou inclinado. Cada tamaño e posición inflúe no efecto final do noso traballo. Un plano rectangular en posición vertical manifesta unha tensión cara arriba (Fig. 2.21), mentres que colocado en posición horizontal transmite calma (Fig. 2.22). Un soporte con forma cadrada dá sensación de equilibrio, e se ten forma circular transmite dinamismo e movemento (Fig. 2.23). O PLANO ORGANIZA O ESPAZO Antes de realizar un traballo debemos pensar nas formas naturais ou artificiais que imos debuxar e, despois, deseñar a colocación de todos os elementos no soporte. Existen dúas formas ou leis sinxelas que estruturan o espazo e axúdannos a ordenar as formas que compón un debuxo. Estas leis son: A lei da balanza, que consiste en colocar as formas máis importantes no centro do soporte e as menos importantes repartidas á súa esquerda e dereita por igual. A lei de compensación de masas, que consiste en situar as formas máis importantes á dereita ou á esquerda e repartir as restantes de maneira que o conxunto produza equilibrio visual. Estas leis foron utilizadas por moitos artistas nas súas composicións. Observa as seguintes imaxes (Figs. 2.26 e 2.27) e fíxache en como foron colocadas as figuras. O PLANO CONSTRÚE FORMAS O plano, en por si, pode definir figuras e obxectos. Para construír a imaxe dunha casa basta con colocar ordenadamente un triángulo para o tellado, un cadrado para a fachada e rectángulos para situar a porta e as fiestras. 3. O PLANO Educación Plástica e Visual 1ºESO08-09 TEMA 2. Elementos da Linguaxe Visual 13 Se se pretende realizar imaxes máis complicadas pódense utilizar infinidade de planos con formas diferentes. Existen obras de arte realizadas soamente con planos. O plano sombrea As zonas de luz e as zonas de sombra pódense separar colocando planos claros á beira de planos escuros; deste xeito os obxectos e as formas que construímos dan a sensación de volume e de profundidade. Observa a obra O dúo, de Georges Braque (Fig. 2.28): o artista utilizou planos claros e escuros para iluminar a estancia e sinalar a importancia da cantante mentres que o pianista, con planos escuros, é o personaxe secundario. O plano colorea Os planos pódense pintar con diferentes materiais (rotuladores, ceras, lapis de cores, etc.). A cor dos planos axúdanos a identificar mellor os obxectos ou formas que construímos. A obra de August Macke, Raparigas ba¬jo as árbores (Fig. 2.29), é un exemplo de como os planos colorean as formas dos vestidos, chapeus, árbores, etc., que aparecen na imaxe. VALOR EXPRESIVO DO PLANO Cando o plano utilízase para construír imaxes convértese nun elemento expresivo da forma. Esta expresividade depende do contorno e do tamaño do plano, así co¬mo da súa ordenación no espazo. Un contorno realizado con maioría de liñas rectas é menos dinámico que outro formado por liñas onduladas. Se o plano está delimitado por unha liña crebada e pechada resulta máis agresivo. O tamaño fai que sexa máis ou menos importante: se é grande chama máis a atención que se é pequeno; e se ademais colocámolo no centro do soporte, pode actuar como zona de máxima atención. Con só dous planos Gottlieb crea unha obra chea de forza expresiva. Isto débese ao contraste creado entre a agresividade e o peso da mancha negra fronte ao dinamismo circular da mancha vermella. Estas sensacións resúmense no seu título, Refacho n.° 7 (Fig. 2.30). Observa todo o que se pode expresar cun só elemento como o plano.
Compartilhar